Shaikh Ayaz شيخ اياز Poetry p3

Shaikh Ayaz شيخ اياز

Shaikh Ayaz شيخ اياز (Sindhi Shayari)

ڪنهن تہ ورتو پئي پرينءَ جو نانءُ،

جو ويو اوچتو هٿن مان هانءُ،

گرچہ ان ۾ نئون نئون مڌ آ،

دل پراڻي پياڪ جو آ ٿانءُ،

ناھہ ڪنهن کي بہ سار سپرينءَ جي،

نہ وري صبح کان لنوي ٿو ڪانءُ،

تون مڃيندين تہ ڪونہ اي جيڏا!

جي چوان لازوال آهيان آنءُ،

شاعري ڏات آ اياز مگر،

ڏات ڪهڙي، هجي نہ، جنهن کي ڏانءُ!

شيخ اياز

ٻي خبر ناهي پر مرڻ کان پوءِ

توسان گڏجڻ جون حسرتون رهنديون

شيخ اياز

عشق اها واحد جنت آهي

جنهن ۾ حورون عذاب ڏينديون آهن

شيخ اياز

سوچئين تون متان مُون مٿان مقبرو!

چنڊُ، تارا، ڪَتيون،

سج جون مشعلون،

مُون مٿان روز ٻرنديون پيون،

هِي خُدائي مجاور جيان،

روزمون تي ڪندا سوجهرو!

سوچئين تون متان مُون مٿان مقبرو!

شاعري شيخ اياز